Tamil Current Affairs 20th October 2018


Tamil Current Affairs 20th October 2018


1. ‘Ask Disha’ என்னும் உதவி சேவை திட்டத்தை தொடங்கியுள்ள இந்தியாவின் முதல் மற்றும் ஒரே அரசு நிறுவனம் எது?
[A] India Post
[B] SEBI
[C] IRDA
[D] IRCTC
ü  இந்தியத் தொடர்வண்டி உணவுவழங்கல் மற்றும் சுற்றுலாக் கழகமானது (IRCTC) தான் வழங்கும் பல்வேறு சேவைகள் குறித்த வாடிக்கையாளர்களின் வினாக்களுக்கு பதிலளிக்கும் வகையில், செயற்கை நுண்ணறிவு (AI) தொழில்நுட்பத்தில் இயங்கும் அரட்டை இயலியான (chatbot) – ‘Ask Disha’வை (Digital Interaction to Seek Help Anytime) அறிமுகப்படுத்தியுள்ளது. இதனை IRCTC-யும், CoRover என்ற தனியார் நிறுவனமும் இணைந்து உருவாக்கியுள்ளன.
ü  இவ்வகைச் சேவை வழங்கும் இந்தியாவின் முதல் மற்றும் ஒரே அரசு நிறுவனம் IRCTC ஆகும். Ask Disha என்பது பயனர்களுடனான உரையாடலை உருவகப்படுத்த வடிவமைக்கப்பட்ட ஒரு சிறப்பு கணினி நிரலாகும். இது பல பிராந்திய மொழிகளில் சேவை வழங்குவதோடு, குரல் வழி சேவையும் வழங்கும். விரைவில் இது IRCTC இன் ஆண்ட்ராய்டு செயலியுடன் இணைக்கப்படும்.


2.நடப்பாண்டின் ‘IOC Sports and Active Society Development Grant’ விருது, யாருக்கு வழங்கப்பட்டுள்ளது?
[A] ஹனுமாப்பா சுதர்சன்
[B] ஹரிஷ் ஹன்டே
[C] சுஹில் டான்டன் (Suheil Tandon)
[D] அஜய்தா ஷா
ü  சமூக தொழில்முனைவோரான சுஹில் டான்டனுக்கு விளையாட்டுத்துறை மேம்பாட்டுக்கான அவரது பங்களிப்பிற்காக நடப்பாண்டின் ‘IOC Sports and Active Society Development Grant’ விருது, வழங்கப்பட்டுள்ளது. பியூனஸ் ஏர்சில் நடந்த செயலில் ஒலிம்பியம் மன்றத்தின்போது, சர்வதேச ஒலிம்பிக் கமிட்டியின் (IOC) விருது வழங்கும் நிகழ்வு நடைபெற்றது.
ü  சுஹில், Pro Sport Development (PSD) நிறுவனரும், Martha Farrell Foundation (MFF) செயற்குழு இயக்குநருமாவார். இளையோரின் முழுமையான வளர்ச்சிக்கும், பெண்கள் மற்றும் சிறுமியருக்கு எதிரான வன்முறைக்கு முடிவுக்கு கொண்டுவருவதற்கும் விளையாட்டை ஒரு கருவியாக அவர் பயன்படுத்துகிறார். PSD இன் விளையாட்டு சார்ந்த திட்டங்கள் இந்தியாவில், குறிப்பாக விளிம்பு நிலை சமூக இளையோருக்கு அதிகரமளிப்பதாக உள்ளன.


3.தனியார் தொழில் நிறுவனங்களுக்கு 4ஜி தொழில்நுட்பச் சேவைகளை வழங்குவதற்காக எந்த நிறுவனத்துடன் BSNL ஒப்பந்தம் செய்துள்ளது?
[A] மைக்ரோசாப்ட்
[B] சாம்சங்
[C] நோக்கியா
[D] லாவா
ü  தனியார் தொழில் நிறுவனங்களுக்கு 4G தொழினுட்பச் (Industry 4.0) சேவைகளை வழங்குவதற் –காக நோக்கியா நிறுவனத்துடன் BSNL ஒப்பந்தம் செய்துள்ளது. சென்னையில் உள்ள நோக்கியாவின் கான்சியஸ் ஆலையில் இதற்கான பணிகள் மேற்கொள்ளப்படும்.
ü  இந்தச் சேவைகள் குறைந்த கால தாமதம், உயர் நம்பகத்தன்மை வலையமைப்புகள் மற்றும் தானியங்கியியலில் திறனுடைய & புதிய தன்னியமாக்கலை இயக்க செயற்கை நுண்ணறிவை பயன்படுத்துதல் & உற்பத்தி தொழிற்துறைகளில் தரவு பரிமாற்றம் ஆகியவற்றை நம்பியுள்ளன. இது மேம்பட்ட செயல்திறனை வழங்கும் மற்றும் செலவைக் குறைக்கும்.
4.எந்த மாநிலத்தின் பிரபலமான ஷாஹி லிட்சி பழத்துக்கு அண்மையில் புவிசார் குறியீடு கிடைத்தது?


[A] பீகார்
[B] உத்தரப்பிரதேசம்
[C] மேற்கு வங்கம்
[D] அசாம்
ü  பீகாரில் மாநிலத்தின் முசாபர்பூர், கிழக்கு சம்பரான், வைசாலி, சமஸ்டிபூர் மாவட்ட புவியியல் சூழல் சார்ந்து விளையும் ஷாஹி லிச்சி (Shahi Litchi) பழத்துக்கு அதன் தனிப்பட்ட சுவை, சாறு மற்றும் மணத்துக்காக புவிசார் குறியீடு (Geographical Indication) கிடைத்துள்ளது. இதன் மூலம் இந்திய மற்றும் சர்வதேச சந்தைகளில் அதன் விற்பனை அதிகரிக்கும். ஏற்கனவே, பீகாரின் கட்ராணி அரிசி, ஜர்தாலு மாம்பழம், மகாஹி பான் ஆகியவற்றுக்கு இக்குறியீடு கிடைத்துள்ளது.
ü  உலக வர்த்தக அமைப்புடனான ஒப்பந்தத்தின் அடிப்படையில் இந்தியா பல்வேறு துறைசார்ந்த உற்பத்திப் பொருட்கள் புவிசார் குறியீடு என்ற தரக்குறியீடு வழங்குவது தொடர்பான சட்டத்தைக் கொண்டுவந்தது. இதன்படி குறிப்பிட்ட புவியியல் அமைப்பின் சிறப்புத் தன்மை சார்ந்து உற்பத்தியாகும் பொருட்களுக்கு அவற்றின் தரம் சார்ந்து குறியீடு வழங்கப்படுகிறது.


5.எந்த நகரத்தில், 5 ஆவது இந்திய பெண்கள் இயற்கை விழா நடைபெறவுள்ளது?
[A] கெளகாத்தி
[B] புது தில்லி
[C] புனே
[D] அகர்தலா
ü  புது தில்லியில் உள்ள இந்திரா காந்தி தேசிய மையத்தில், அக்.26 முதல் நவ.4 வரை 5 ஆவது இந்திய பெண்கள் இயற்கை விழா நடைபெறவுள்ளது. இயற்கை முறையில் விவசாயம் செய்யும் பெண்கள் மற்றும் தொழில்முனைவோரை ஊக்கப்படுத்தும் விதமாக மத்திய பெண்கள் மற்றும் குழந்தைகள் நலன் அமைச்சகம் இந்த விழாவை நடத்துகிறது.
ü  ஐந்நூற்றுக்கும் மேற்பட்ட பெண் தொழில் முனைவோர்கள் தங்களின் விவசாய உற்பத்திப் பொருட்களுடன் இந்த விழாவில் கலந்து கொள்ளவுள்ளனர்.


6. IndianSports: Conversations and Reflections’ என்ற நூலை எழுதிய கிரிக்கெட் புள்ளியிலாளர் யார்?
[A] சஞ்சை மஞ்ச்ரேகர்
[B] ஜதின் சப்ரூ
[C] சுஷில் தோஷி
[D] விஜயன் பாலா
ü  IndianSports: Conversations and Reflections’ என்ற நூலை மூத்த வர்ணனையாளரும், கிரிக்கெட் புள்ளியிலாளருமான விஜயன் பாலா எழுதியுள்ளார். இந்த நூல், 1971 ஆம் ஆண்டு முதல் புகழ் பெற்ற விளையாட்டுத்துறை நபர்களிடம் நடத்தப்பட்ட நேர்காணல்களின் தொகுப்பாகும்.
ü  BCCI இன் புள்ளிவிவரக் குழுவில் உறுப்பினராகப் பணியாற்றிய பாலா, ஓர் ஆங்கில ஆசிரியரும் ஆவார். இவர் பல்பீர் சிங், அபினவ் பிந்த்ரா, சுஷில் குமார், சாக்ஷி மாலிக், Col. ராஜ்யவர்தன் சிங் ரத்தோர் உள்ளிட்ட சில ஒலிம்பிக் போட்டியாளர்களை நேர்காணல் செய்துள்ளார்.


7. SME’கள் குறித்த எட்டாவது ஐரோப்பிய மாநாட்டில் பங்கேற்ற இந்தியப் பிரதிநிதிகள் குழுவிற்கு தலைமை தாங்கியவர் யார்?
[A] அல்கா அரோரா
[B] சுஷ்மா ஸ்வராஜ்
[C] பாஸ்கர் கல்ரா
[D] கிரிராஜ் சிங்
ü  Business-Self-Government Together for Economy” என்ற கருப்பொருளுடன் அக்டோபர் 17 அன்று போலந்தில் உள்ள கத்தோவைசில் சிறு மற்றும் நடுத்தர தொழில் நிறுவனங்கள் குறித்த 8 ஆவது ஐரோப்பிய மாநாடு தொடங்கியது. 3 நாள் நடைபெறும் இம்மாநாட்டில் பங்கேற்றுள்ள 32 இந்திய SME’களுக்கு, அல்கா அரோரா (MSME அமைச்சகத்தின் இணை செயலர்) தலைமை தாங்கினார். ஐரோப்பிய மற்றும் இந்திய SMEகளுக்கு இடையில் நேரடி வர்த்தக உறவுகளை உருவாக்குவதற்கு இந்த மாநாடு துணைபுரியும்.


8. OneerTM” என்ற நீர் தொற்றுநீக்கல் முறைமையை உருவாக்கியுள்ள இந்திய ஆராய்ச்சி அமைப்பு எது?
[A] BARC
[B] ISRO
[C] CSIR
[D] DRDO
ü  லக்னோவில் உள்ள அறிவியல் மற்றும் தொழிலக ஆய்வு மன்றம், இந்திய நஞ்சியல் ஆராய்ச்சி நிறுவனமானது (CSIR-IITR) ‘OneerTM’ என்று பெயரிடப்பட்ட குடிநீர் தொற்றுநீக்கல் முறைமையை உருவாக்கியுள்ளது. இது நீரில் உள்ள வைரஸ், பாக்டீரியா, பூஞ்சை போன்ற தொற்று நோயை ஏற்படுத்தும் காரணிகளை நீக்கி தூய்மையான குடிநீரை வழங்கும்.
ü  வெறும் 2 பைசா செலவில் பாதுகாப்பான மற்றும் தூய்மையான ஒரு லிட்டர் குடிநீரை இது வழங்கும். சூரிய மின்னாற்றலில் இயங்கும் இது, கிராமப்புற மக்களுக்கு பேருதவியாக இருக்கும். ‘இந்தியாவில் தயாரிப்போம்’ என்ற திட்டத்தின் கீழ் இது உருவாக்கப்பட்டுள்ளது.


9.இந்தியாவின் முதல் புகையற்ற மாநிலம் என மாறவுள்ள மாநிலம் எது?
[A] தமிழ்நாடு
[B] கேரளா
[C] கர்நாடகா
[D] ஆந்திரப்பிரதேசம்
ü  பொதுத்துறை எண்ணெய் நிறுவனங்களின் 100% LPG பயன்பாட்டு கண்காணிப்புடன் இந்தியாவின் முதல் புகையற்ற மாநிலம் என கேரள மாநிலம் மாறவுள்ளது. விறகுக்கட்டையை எரிப்பதனால் ஏற்படும் ஒரு கோடி டன் அளவிலான நச்சு வாயு உமிழ்வு, இதன்மூலம் குறையும். மேலும், கிராமங்களில் LPG அடுப்பை அறிமுகம் செய்வதன் மூலம் 25 லட்சம் மரங்கள் வரை காப்பாற்றப்படும். பிரதமர் உஜ்வாலா திட்டத்தின் கீழ், பெரும்பாலான கிராமங்கள், நகரங்களில் இந்த இலக்கு எட்டப்பட்டுள்ளது.
ü  50 % சந்தை மதிப்பை இந்திய எண்ணெய் நிறுவனமும், மீதமுள்ளவற்றை HPCL மற்றும் BPCL கொண்டுள்ளன. புதிய தலைமுறை எரிபொருட்களான CNG மற்றும் பிற பசுமை எரிபொருள்களை மாநிலத்திற்கு தர இந்திய எண்ணெய் நிறுவனம் தயாராகவுள்ளது. பிரதம மந்திரி உஜ்வாலா திட்டத்தின்படி, சமூக – பொருளாதார சாதிவாரி மக்கள்தொகை கணக்கெடுப்பின் மூலம் அடையாளம் காணப்பட்ட வறுமைக் கோட்டிற்கு கீழ் வாழும் ஒரு பெண்மணிக்கு, மத்திய அரசின் 1,600 ரூபாய் நிதியுதவி மூலம் வைப்பு நிதியற்ற இலவச LPG இணைப்பு வழங்கப்படுகிறது.


10.2018 ஹிருதயநாத் வாழ்நாள் சாதனையாளர் விருது யாருக்கு வழங்கப்படவுள்ளது?
[A] ஜாவித் அக்தர்
[B] அமிதாப்பச்சன்
[C] முகமது சஹூர் கயாம் ஹஷ்மி
[D] ஹரிபிரசாத் சௌராசியா
ü  தேசிய விருது பெற்ற இசையமைப்பாளரான முகமது சஹூர் கயாம் ஹஷ்மிக்கு நடப்பாண்டின் ஹிருதயநாத் வாழ்நாள் சாதனையாளர் விருது வழங்கப்படவுள்ளது. இவர் ‘கய்யாம் – Khayyam’ என பிரபலமாக அறியப்படுகிறார். ஹிருதயேஷ் கலை நிறுவனத்தால் வழங்கப்படும் இவ்விருது, 100,000 ரூபாய் ரொக்கப்பரிசையும், ஒரு நினைவுப்பரிசையும் உள்ளடக்கியது.



No comments:

Post a Comment